الشاعر فؤاد حداد . أراجوز

Admin المساهمات : 178 تاريخ التسجيل : 21/12/2014

انا والدى كان أراجوز..

وكان راخر جميل الصوت .. والزعبوط..

وفى يوم من الأيام .. خللى بالك معايا ..

هنا العقده .

ندهه الملك .. وده كان ملك أعظم من العمده ..

وعينه .. مضحك ولى العهده ..

وقاله يا ألعب من القرموط ..

تضحك الولد .. أعلى مراتبك ..

تبكى الولد .. أقطع رقبتك ..

أفهم كلامى .. وأمشي بالمظبوط ..

أنا والدى الله يمسيه بالخير ..

ماكنش ناقصه .

طلع سلاح أبيضانى .. وقطع رقبته بنفسه ..

راح الولد فى البكا .

وأنا والدى مات مبسوط .

أنا والدى مات مبسوط عشان عكس امر الملك ..

أيام ما كان الملك .. ملك ..

ومصروف الأمل مضغوط .

من يومها وأنا عندى جيوب انفيه ..

وعيونى كما الحنفيه .

والدمع منى و فيه .

بحر ماله شطوط.

» الشاعر فؤاد حداد . سجنونى
» الشاعر فؤاد حداد . المسحراتى
» الشاعر أحمد فؤاد نجم . جائزة نوبل
» الشاعر أحمد فؤاد نجم . بابلو نيرودا
» محمد أحمد فؤاد . أصحاب السوء